ILOILO CITY- Ginpang- relieve sang Police Regional Office 6 ang tatlo ka mga personnel nga ginapatihan nga protektor sang illegal gambling.
Sa interview sang Bombo Radyo kay Police Brigadier General Jack Wanky, iya ginpahayag nga ini nga tatlo ka mga kapulisan amo ang Police Non-Commissioned Officers nga nakadestino sa Aklan kag Negros Occidental Police Provincial Office.
Suno kay Wanky, ginaalegar nga nagabaton sang payola ang nasambit nga mga personnel.
Dugang sang regional director, indi pa niya mapagwa ang pangalan sang amo nga mga pulis bangud nagapadayon pa ang imbestigasyon.
Temporaryo naman nga gin-assign ang tatlo ka pulis sa Regional Personnel Holding and Accounting Unit (RPHAU).
