ILOILO CITY- Gin-aprubahan na sang Iloilo City Council ang pagkakas sang mga national roads sa Regulation Ordinance 2023-259 ukon ang paid parking ordinance sang syudad.
Ini kasunod sang ginduso ni Councilor Sedfrey Cabaluna, chairman sang Committee on Traffic Management, nga amyendaran ang amo nga ordinansa.
Ang mga ginkakas nga national road amu ang General Hughes Street, Arroyo Street, Fort San Pedro Drive kag Timawa Avenue.
Sa interview sang Bombo Radyo kay Cabaluna, iya ginpahayag nga bangud sa amendment, makabig na ini nga mga national roads bilang no parking zones.
Suno kay Cabaluna, may i-deploy man nga mga personnel sa sini nga mga dalan agud mapabilin nga hilway ini sa mga naga-illegal park.
