Kadungan sang Israel Memorial Day commemoration, gindumdom kag ginpasidunggan ang lima ka mga Pinoy nga napatay sa pagpang-atake sang Hamas militants sang nagligad nga Oktubre 7, 2023.
Sa statement sang embahada sang Israel, ginsiling nga ang overseas Filipino workers nga sanday Angelyn Aguirre, Loreta Alacre, Grace Cabrera, kag Paul Vincent Castelvi, kag ang Filipino-Israeli soldier nga si Sergeant Cydrick Garin ang nalakip sa fallen soldiers kag civilians para sa Yom HaZikaron (Memorial Day) subong nga tuig.
Sa seremonya, may ginhalad nga pangamuyo para sa mga napatay nga Pinoy.
Sang amo nga tion, kabug-usan nga 760 ka mga soldado, 834 ka mga sibilyan, kag 68 foreign nationals ang napatay sa southern Israel bangud sa pagpangkibot sang militante nga grupo kag pagpang-atake nga amo man ang rason sang pagtimalos sang Israeli military.
“Today is an opportunity to recognize OFWs in Israel. Most of them are still in our country, and they feel at home and loyal to their employers. Aside from OFWs, Filipino volunteers are in Israel to express unity with Israel during this difficult time. I could feel the spirit of support and solidarity among our friends from the Philippines,” suno kay Israeli Ambassador to the Philippines Ilan Fluss.
“We feel mixed emotions – sadness on Memorial Day but happiness for Independence Day. Our life in Israel is in between remembering the loss of lives and celebrating the freedom, independence, and the great success of the state of Israel that shines amongst the nations,” pahayag sini.
Matandaan nga si Cabrera, 45, nga isa sa apat ka OFWs nga napatay ang tumandok sang Barangay Burak, Maasin, Iloilo.
Napatay siya sang nagsulod ang militante nga grupo sa Kibbutz Be’eri sa southern Israel. Antes nakumpirma ang iya kamatayon, masobra 10 ka adlaw pa ini nga na-missing bangud Oktubre 7 sang aga pa sang nag-atake ang Hamas sa Kibbutz Be’eri nga amo ang ginkabig “ground zero” sang away. #
