Ginbasura ni President Ferdinand R. Marcos Jr. ang mga panawagan nga i-abolish ang National Task Force to End Local Communist Armed Conflict (NTF-ELCAC).
Suno kay Marcos, madamo sang nahimo ang task force agud nga mabuhinan ang rebelde paagi sa whole-of-government approach.
Rason sang presidente, indi man gobyerno ang nagahimo sang red tagging.
“Bakit lagi niyong tinatanong sa akin yan? Wala namang dahilan kung bakit natin tatanggalin ‘yan. Ang sinasabi, dahil mayroon raw red-tagging na ginagawa. Hindi naman gobyerno gumagawa noon. Kung sino-sinong iba ang gumagawa noon,” pahayag sini.
Ang “red-tagging” amo ang aktwasyon kun sa diin ginatudlo ang mga indibidwal ukon organisasyon nga may kaangtanan sa communist rebels sa idalom sang New People’s Army kag sa political wings sini nga Communist Party of the Philippines kag National Democratic Front of the Philippines.
Pahayag naman ni Marcos, nagamit ang task force agud nga mahatagan ang ikaduha nga tyansa ang mga rebelde nga nagbalik sa sabak sang gobyerno paagi sa paghatag man sang palangabuhian sa bulig sang concerned government agencies.
Ini nga task force ang natukod sa tion ni anay Presidente Rodrigo Duterte sa idalom sang Executive Order No. 70 sa katuyuan nga mapapas ang local communist armed conflict.#
