ILOILO CITY- Nagpaandam ang Department of Social Welfare and Development National Authority for Child Care (DSWD-NACC) batok sa illegal online adoption.
Suno kay Undersecretary Janella Ejercito Estrada sang amo nga ahensya, dako nga pagpanghangkat ang pagtapna sa online illegal adoption nga ginapatigayon paagi sa social media.
Halimbawa suno sa iya amo ang pag-post nga nagabaligya sang bata kag ang iban ang luyag lang nga ipa-adopt ang anak kag may mga vulnerable individuals nga luyag mag-angkon sang anak sa madasig nga paagi.
Nahibaluan nga sa idalom sang bag-o nga administrative system sang gobyerno, ginpadasig sang ahensya ang adoption process, sa diin ang foster parents ang indi na kinahanglan nga mag-atubang sa korte.
Pahayag niya, sa baylo nga i-abandonar ang bata ukon bayaan sa bisan diin, ang unwanted nga kabataan ang ginabaton sang child caring agencies.
