ILOILO CITY- Ginakabig nga isa ka dako nga oportunidad sang anay volunteer reporter sang Bombo Radyo Philippines nga nalakip ini sa tatlo ka mga tiglawas sang Pilipinas sa ASEAN Youth Convergence 2024 nga ginapatigayon subong sa Laos.
Sa interview sang Bombo Radyo kay Apols Garmay,iya ginpahayag nga isa ka bugal para sa iya nga mapakita kun ang ikasarang sang pamatan-on nga Filipino.
Suno kay Garmay, tion man agud mahatagan atensyon ang mga problema nga ginaatubang sang sektor sang kabataan kaangay sang limitado nga oportunidad agud mapakita ang ila nga mga potensyal kag ihibalo sa policy discussions kag decision-making processes.
Ang ASEAN Youth Convergence 2024 (AYC) ang nagatuyo nga maengganyo ang mga future leaders paagi sa pagpakigbahin sang mga achievements kag advocacies sang iban nga youth leaders agud mahatagan inspirasyon ang iban nga kabataan nga maghimo sang tikang para maghatag sang transpormasyon kag pagbag-o sa komunidad.
SI Garmay ang isa sa mga volunteer reporters sang THE VOTE Coverage sa eleksyon sang 2013.
