Nagdangat sa 21 ka mga armas ang ginsungka sang ginaalegar abogado sang Kingdom of Jesus Christ (KOJC) ukon ang megachurch kun sa diin ang founder kag leader mo ang pugante nga si Pastor Apollo Quiboloy.
Sa statement sang Philippine National Police Criminal Investigation and Detection Group (PNP-CIDG), ginpahayag nga natabo ang operasyon 6:30 a.m. sa compound sang amo nga simbahan sa Davao City.
Suno sang pulis, si certain Atty. Israelito ang nag-surrender sang firearms nga ginapahayag ginapanag-iyahan ni certain Cresente Chavez Canada para sa “safekeeping.”
Lakip sa ginsungka amo ang rifles, pistols, shotguns kag revolver amo man ang ammunition kag pistol magazines. Tanan ini ang yara ma subong sa kustodiya sang CIDG sa Davao para sa proper documentation.
Antes sini, matandaan nga may ginsungka na ang ampo ni Quiboloy nga firearms nga rehistrado sa pangalan sang kontrobersyal nga religious leader. Abril naman sang gin-revoke sang PNP ang gun permit sini bilang konsiderasyon sa mga kaso sini diri sa Pilipinas kag sa luwas sang pungsod.#
