Nagpahanumdom si President Ferdinand Marcos Jr. sa publiko ilabi na sa mga lugar nga apektado sang Bagyo Aghon nga magpabilin nga alerto kag himuon gid nga prayoridad ang safety.
Ginmanduan man sang presidente ang local government units kag emergency units sa bilog nga pungsod ang ipadayon ang pag-monitor sa sitwasyon kag ihatag ang nagakaigu nga assistance.
Gina-mobilize na suno sa iya ang food kag non-food items, health services, kag evacuation centers para masuportahan ang mga apektado nga komunidad.
“Let us all look out for one another, especially the most vulnerable members of our communities. Together, we will get through this storm,” kabahin sang mensahe sang chief executive.
Base sa data sang Philippine Atmospheric, Geophysical, and Astronomical Services Administration (PAGASA), walo ka beses na nga nag-landfall ang bagyo: sa Homonhon Island, Eastern Samar; Giporlos, Eastern Samar; Basiao Island sa Catbalogan, Samar; Cagduyong Island, Catbalogan; Batuan, Masbate; Masbate City; Torrijos, Marinduque kag Lucena City, Quezon.
Sa 2:00 AM tropical cyclone bulletin sang state weather bureau, ang sentro sini ang yara sa kalayuon nga 90 km Nasidlangan Nabagatnan-Nasidlangan sang Baler, Aurora kun sa diin dala sini ang kabaskugon sang hangin nga 130 km/h malapit sa sentro kag pagmadlos nga tubtub sa 160km/h.
Nagahulag ini pa-Naaminhan-nasidlangan sa kadasigon nga 10km/h.
Sa Myerkules, Mayo 29, pa ini gina-forecast nga makaguwa sa Philippine area of responsibility.
Apat na ang na-rekord nga injured sa Legazpi, Albay bangud sa bagyo lakip ang tatlo ka menor de edad kag may isa ka 30-anyos nga lalaki nga nabungguan sang tricycle kag natumbahan pa sang kahoy.
