BRUNEI – Nag-abot na si President Ferdinand R. Marcos Jr. sa Brunei Darussalam para sa iya two-day State Visit sa capital sang pungsod nga Bandar Seri Begawan.
Gin-abi-abi ang Presidente kag si First Lady Louise Araneta Marcos sang Philippine Embassy officials nga ginapamunuan ni Ambassador Marian Jocelyn Tirol-Ignacio kag pila ka mga Ministers sa Brunei Darussalam nga ginapamunuan ni Minister of Home Affairs Dato Seri Setia Awang Haji Ahmaddin bin Haji Abdul Rahman nga amo ang Minister-in-Attendance kay President Marcos Jr.
Ang state visit sang Presidente ang kabahin sang imbitasyon ni His Majesty Sultan Haji Hassanal Bolkiah agud markahan ang 40 ka tuig nga formal diplomatic relations sang duha ka pungsod.
Samtang, sa Mayo 31 naman, natalana nga i-deliver ni Marcos ang keynote address sa International Institute for Strategic Studies Shangri-La Dialogue sa Singapore.
Ini nga dayalogo amo ang premier defense summit sa Asya kag ang speech naman ni Marcos amo ang magamarka sang pagbukas sang ika-21 nga edisyon sini nga dialogue.
