AUSTRALIA – Nangin sentro sang major defence conference sa Australia ang pagbulgar sang former spy sang China secret police nga may yara sila sang masobra 1,200 ka mga spies nga naga-operate sa Australia.
Suno kay Bombo Denmark Suede, international correspondent sa Australia, ini nga impormasyon ang ginbulgar mismo sang spy nga nagpakilala nga si Eric nga nagatrabaho sadto bilang isa ka undercover agent para sa unit sang Ministry of Public Security sa China sang 2008 tubtub 2023.
Ang ini nga unit amo ang Political Security Protection Bureau nga key tools sang Chinese Communist Party nga naga-operate sa bilog nga kalibutan agud pahipuson ang mga kritiko sang partido kag ni Chinese President Xi Jinping.
Ginkumpirma sini nga ang mga Chinese spies ang nagakolekta sang impormasyon kag nagapang-harass sa mga target.
Sa subong, nasambit nga spy ang nagapabilin sa Australia kag nagpangayo sang political asylum.
