ILOILO CITY- Plano sang Iloilo City Traffic Management Unit nga himuon nga 40% sa baylo nga 25% lang sang traditional jeepneys sa first towns ang pasudlon sa syudad sa pagbukas sang klase.
Sa interview sang Bombo Radyo kay retired Police Colonel Uldarico Garbanzos, pinuno sang amo nga unit, iya ginpahayag nga katuyuan sini nga maakomodar ang ginalauman nga dako nga volume sang mga pasahero.
Suno kay Garbanzos, magluwas sa pagdugang sa numero sang first town jeepneys nga makasulod sa syudad, kinahanglan nga may yara man sang buffer unit sang jeep sa Iloilo City agud makabulig sa mas madamo nga pasahero nga nagapanaog sa mga terminals.
Pahayag ni Garbanzos siya ang personal nga nagrekomendar sini kag natalana nila ini istoryahan buas nga adlaw sa patigayunon nga debriefing sa pagpatuman sang Enhanced Local Public Transport Route Plan.
