ILOILO CITY- Agaw-atensyon ang isa commencement exercises sa Salvacion Central School, Salvacion, Nueva Valencia, Guimaras.
Ini bangud nga magluwas sa mga estudyante, ginpasidunggan man sang School Principal nga si Sir Gever Jauro ang iya faculty kag staff.
Sa facebook post ni Nat Gamuyao nga isa sa nagtambong sa programa, matapos nga ginhatagan sang ila tagsa ka award ang mga estudyante, ginkakibot sang mga manunudlo nga isa-isa man sila nga ginpasaka sa stage kag ginhatagan sang certificate of recognition.
Nangin makatalandog balatyagon naman sang ginlawag ang ila janitor nga si Joel Mañanita kag ginpasaka ini sa stage agud magbaton sang iya certificate of recognition.
Ginpalakpakan ini sang matunog sang mga estudyante samtang nagalumaw- lumaw ang mata sa ginpakita nga paghatag importansiya sa iya.
