Ginsuguran na ang deliberation sa verdict kaangot sa criminal hush money trial batok kay anay US President Donald Trump.
Ginabug-usan sang 12 ka New Yorkers ang panel — pito ang lalaki kag lima ang babaye — nga amo ang magatumod kun guilty si Trump sa 34 ka felony charges sang pag-peke sang mga business records nga naangot sa hush money payment sa adult film star nga si Stormy Daniels antes ang 2016 presidential election.
Si Trump nga may tatlo ka iban pa gid nga separado nga kaso-kriminal samtang nga nagapadalagan liwat sa pagka-presidente, ang una na nga nag-plead sang “not guilty” sa sini nga mga kaso.
Dapat nga unanimous ang desisyon sang korte kag dapat nga magkasugot nga guilty si Trump beyond a reasonable doubt para nga maka-seure ang prosecutors sang conviction.
Pananglitan madesisyunan nga guilty, mangatubang ini sang maximum sentence nga apat ka tuig nga pagka-preso sa kada count,ukon mahimo mas ang mas gamay nga silot sang probation kag multa nga kuwarta.
