Mahimo mabuhinan sang tubtub sa singko pesos kada kilo ang presyo sang bugas kun panubuon man ang taripa sa rice imports.
Suno kay Agriculture Assistant Secretary kag spokesman Arnel de Mesa, kun mabuhinan ang rice tariffs sang mas manubo sa 35%, ang retail prices sang bugas ang mabuhinan sang P4 to P5 per kilo.
Antes sini, nauna na nga ginpahayag ni Finance Undersecretary Domini Velasquez nga ginalantaw sang gobyerno nga panubuon pa ang rice tariffs sa ginabanta 15 to 20 percent ipaanggid sa present rate nga 35 percent.
Mangin si Finance Secretary Ralph Recto ang nagpahayag man nga gusto sang gobyerno nga panubuan ang rice tariffs para mabutong man panubo ang retail prices sang bugas sang mas madasig.
Suno kay Velasquez, handa ang Department of Finance nga makaangkon sang revenue losses sang P10 billion halin sa rice tariff reduction bilang kabaylo sang pagpahagan-hagan sang inflation sa Pilipinas.
Nahibaluan nga ang rice imports ang naga-account sang ginabanta 20 percent sang total staple supply sa Pilipinas.
