Ginapaabot nga mag-ayo ang kahimtangan sang labor market sa Pilipinas sa ikaapat nga quarter sang 2026, suno kay Socioeconomic Planning Secretary Arsenio Balisacan.
Suno kay Balisacan, ang pagnubo sang employment sa una nga bahin sang tuig may kaangtanan sa paghina sang ekonomiya.
Apang, ginapaabot niya nga mag-uswag liwat ang economic activity sa ikaduha nga bahin sang tuig, labi na sa ikaapat nga quarter.
Nahibaluan nga nagsaka sa 6 % ang unemployment rate sang bulan sang Hulyo, nga amo ang pinakamataas sa sulod sang apat ka tuig.
Ini katumbas sang mga 3.14 milyon nga Pilipino nga wala sang trabaho, halin sa 2.59 milyon sang bulan sang Hunyo.
Isa sa mga rason sang pagsaka sang unemployment amo ang pagdugang sang mga bag-o nga graduate nga nagsulod sa labor force samtang maluya gihapon ang hiring sang mga kompanya.
Nagalaum naman ang gobyerno nga ang pagbangon sang ekonomiya magabulig sa pagpaayo sang kahimtangan sang employment sa masunod nga mga bulan.
