Ginapadalman ang imbestigasyon batok sa isa ka Chinese citizen nga naaresto bangud sa pagpangtaya sang pusil sa Makati City kag nakumpiskaran pa sang high-tech kag military-grade gadgets.
Lakip sa items nga nakuha sa possession sini amo ang nagkalain-lain nga gadgets, equipment set nga may circuit boards, portable power station, military-grade drone, high-powered firearm, kag bundle sang P1,000 bills.
Suno sa Philippine National Police-Criminal Investigation and Detection Group, base sa panaysayon sang lalaki, isahanon lamang ini diri sa Pilipinas apang nagaduda ang otoridad kun ngaa may amo siya sini nga mga gadgets.
Nagapabilin subong ang suspek sa Criminal Investigation and Detection Group-National Capital Region Custodial Center.
Indi ini makahibalo maghambal sang English apang pila sa nakuha nga impormasyon sa iya amo nga anum ka tuig na ini sa Pilipinas kag nagasabat man sang POGO.
Suno pa sa pulis, nagabulig na ang Armed Forces of the Philippines sa imbestigasyon kag nagapakig-angot naman sila sa Chinese Embassy in Manila.
Magapabilin ang suspek sa kustodiya sang otoridad tubtub nga magmandu ang korte nga i-detain na ini sa jail facility.
