ILOILOCITY- Ginplastar sang Western Visayas Alliance of Transport Cooperatives and Corporation, Incorporated nga posible nga dagdagan sang disciplinary action ang mga operators sang jeepney units nga nag-intra sa pagpatigayon sang duha ka adlaw nga transport sumugod subong nga adlaw tubtob buas.
May kaangtanan ini sa pagpamatok sang mga drivers kag operators sa implementasyon sang Enhanced Local Public Transport Route Plan sa syudad nga nagabutang sang limitasyon sa mga jeep nga tugutan nga makasulod sa syudad.
Sa interview sang Bombo Radyo kay Rizalito Alido, president sang nasambit nga alliance, iya ginpahayag nga base sa nasaad sa franchise, indi mahimo magpatigayon sang transport strike ang mga kooperatiba.
Suno kay Alido, sa bahin sang Jeepney Operators and Driver Association of Oton nga nagpatigayon sang strike, mahimo nga padal-an sang show cause order sang Land Transportation Franchising and Regulatory Board ang mother cooperative kun sa diin napaidalom ang nasambit nga asosasyon.
Pahayag niya, magadepende na lang sa mother cooperative kun ano ang ila idagdag ng discplinary action batok sa operators nga nag-upod sa strike.
Paathag pa ni Alido, yara sa prangkisa nga mayor nga prayoridad sang ila mga kooperatiba mo ang serbisyo sa publiko kag nagapangaduha lang ang kitaon nila nga kwarta.
