Sa labing-una nga tion sa 200 ka tuig nga maragtas sang Mexico, magapungko ang isa ka babaye nga presidente.
Ini amo si Claudia Sheinbaum nga amo na subong ang projected presidential winner base sa Quick Count kun sa diin yara na sa tunga-tunga sang 58.3% kag 60.7% ang nakuha sini nga boto, samtang ang opposition candidate naman nga si Xóchitl Gálvez ang may yara lamang sang 26.6% tubtub 28.6%.
Ang Morena party ni Sheinbaum amo man ang ginalantaw nga magakuha sang mayorya sang pwesto sa duha ka chambers sang Kongreso.
Nagaedad na si Sheinbaum sang 61-anyos, isa ka climate scientist, kag nangin alkalde anay sang Mexico City.
“As I have said on other occasions, I do not arrive alone,” pahayag sini kasunod sang iya kadalag-an. “We all arrived, with our heroines who gave us our homeland, with our mothers, our daughters and our granddaughters.”
Isa ka Catholic country ang Mexico gani mangin maragtason pa gid ang pagpungko sini bangud siya man ang labing-una nga presidente nga may Jewish background.
Natalana nga magsugod ang iya anum ka tuig nga termino sa Oktubre 1. Sa idalom sang Konstitusyon sang Mexico, wala ginatugutan ang reelection.
