ILOILO CITY- Gin-athag sang Philippine Amusement and Gaming Corporation (PAGCOR) nga wala ini sang kahilabtanan sa pag-isyu sang local business permits kag licenses sa Philippine offshore gaming operators (POGO).
Suno sa korporasyon, indi man sila ang responsable para sa inspection sang buildings nga indi sakop sang ila hurisdiksyon.
Dugang sini, naga- isyu lang sila sang lisensya base sa ila kaugalingon nga guidelines kag sa dokumento nga ginpasa sang aplikante.
Ginkontra sang PAGCOR ang una nga pahayag sang legal counsel ni Bamban Mayor Alice Guo kun sa diin gintumod sini ang regulatory responsibility sang PAGCOR nga mag- issue sang permits kag licenses, matapos nga ang POGO hub nga nahamtang sa Bamban nga gin-rain ang naangot sa public official.
Marso 13 sang gin-raid sang otoridad ang 10-hectare POGO hub nga gina-operate sang Zun Yuan Technology Inc.
Si Guo kag duha pa ka municipal officials ang gin- suspend sang tubtob anom ka bulan sang Office of the Ombudsman matapos nag- issue sang permit sa operators sang POGO company sa pihak sang kakulangan sang kinahanglan nga dokumento kag provisional license halin sa PAGCOR.
Ginpahayag sang PAGCOR nga responsable lang ini sa pag-issue sang provisional licenses sang POGOS.
