Nakapalapit kag naka-istorya si anay Senate President Juan Miguel ‘Migz’ Zubiri kay Pope Francis sa Vatican.
Kaupod sang senador kag iya pamilya si Philippine Ambassador to the Holy See Myla Grace Ragenia Macahilig sang nagkadto ini sa Vatican City sang Hunyo 5 kun sa diin nakapakigkita ini sa Santo Papa kadungan sang iya weekly catechesis kag prayers for world peace.
Sa statement sang senador kasunod sang amo nga meeting, ginsaad sini nga ginhingyo sa iya ni Pope Francis nga proteksyunan ang pamilya matapos ini nagpakilala nga “pro-life” kag “pro-family legislator” halin sa Pilipinas.
Ang hingyo sang Santo Papa suno kay Zubiri ang isa ka instruction nga iya gid himuon agud nga proteheran ang family values diri sa pungsod nga amo suno sa iya ang naga-isa sa Pilipinas.
“Pope Francis asked me to please protect the family, and this is an instruction that I will take to heart. I am always going to remember his reminder, and I am going to do my best to protect the family values that hold our nation together,” pahayag sang senador.
Sang Mayo 22, matandaan nga gin-aprubahan sa final reading sa Kamara ang ginaduso nga hagna para sa absolute divorce matapos 131 ka mga mamalidha ang nagboto-pabor sa amo nga tikang.
Ang Pilipinas na lamang kag ang Vatican ang nabilin nga mga pungsod nga nagadumili sa divorce.
Ang Catholic Bishops Conference of the Philippines (CBCP) ang nagapabilin man nga malig-on sa panindugan sini nga pamatukan ang approval sang divorce law sa pungsod bangud makabig ini nga “anti-family, anti-marriage and anti-children.”
May isa man ka Social Weather Stations (SWS) survey sang damlag lang nga nagapakita nga katunga sang Filipino adults ang nagasuporta sa legalization sang divorce diri sa Pilipinas.
Si Zubiri naman ang una na nagpahayag nga katumbas siya sang isa ka American Republican nga “pro-family and pro-life.”
Nahibaluan nga yara si Zubiri ka ang iya pamilya sa Europa subong agud nga magpalayo-layo anay sa pulitika kag mag-angkon sang family time pila ka semana matapos ini ginpahalin bilang senate president.
