ILOILO CITY- Nagalab-ot sa 1.6 milyon ka mga tawo ang nagakapatay bangud sa pagkonsumo sang ‘unsafe foods’.
Ini suno sa World Health Organization (WHO).
Ginpahayag ni Francesca Branca, head sang nutrition and food safety sang WHO, nga mas Malala ang epekto sang unsafe foods sa mga bata nga wala pa nakalab-ot sa 5-anyos.
Ang unsafe food amo ang mga na-expose sa higko kag mikrobyo nga mahimo magtuga sang impeksyon kag balatian kaangay sang diarrhea, meningitis kag iban pa nga sakit nga possible nila ikapatay.
Gin-engganyo naman ni Branca ang mga gobyerno nga ilakip sa ila nga national action plans ang food safety.
Ginakabig sang UN Food and Agriculture Organization ang pagkaon bilang “fundamental” para maangkon ang Sustainable Development Goals.
