Nadugangan pa ang recoveries sa Philippine Offshore Gaming Operator (POGO) hub sa Pampanga nga naangot sa militar sang China.
Ang pinakaulihi diri amo ang “outstanding service medal” para sa Chinese military sergeant kag dugang nga uniporme kag botas para sa People’s Liberation Army.
Suno kay Presidential Anti-Organized Crime Commission spokesperson Winston John Casio, nakit-an ang medalya sa isa sa buildings sa Phase 3 sa sulod sang compound.
Anum naman subong ang nakit-an nga uniporme sang Chinese military matapos na-diskubrehan ang dugang nga sets sini magluwas pa sa duha ka pares sang military boots.
Sang Martes sang ginkumpirma nga ang una nga set sang uniporme kag military pins ang nakit-an sa dorms, villas, kag offices sang Hunyo 10. Sang nagligad naman nga semana sang gin-conduct ang raid sa amo nga compound kun sa diin na-rescue ang 190 ka mga indibidwal.
