ILOILO CITY- Nagsugod na ang pag-antos sang mga pumuluyo kag motorista sa nagabaha nga dalan sa palibot sang syudad kadungan sang pag-umpisa sang tig-ululan.
Sa interview sang Bombo Radyo kay Punong Barangay Gerald Casio sang Brgy. Magsaysay, City Proper, iya ginpahayag nga barado na ang ila drainage system rason nga wala na sang iligan ang tubig.
Suno kay Casio, nakadtuan naman sang city district engineering office ang lugar kag sa pagkamatuod, na-declog naman ini.
Apang suno sa iya, indi ini bastante bangud kinahanglan nga maislan gid ang bilog nga drainage agud nga magbag-o na ang sitwasyon sa ila lugar kun magbubo ang ulan.
