Isa ka maragtason nga adlaw ang Hunyo 17 para Boston Celtics.
Sa sini nga adlaw 16 ka tuig na ang nakaligad, nadag-an sang Boston ang ila ika-17 nga titulo sa National Basketball Association (NBA) matapos ginlutos ang Los Angeles Lakers.
Sa Game 5 sa 2024 NBA Finals, magatupa man gihapon ini sa Hunyo 17 (petsa sa US state nga Massachusetts) kag ginalauman sang fans nga signos ang “6/17” nga masulit ang history bangud 3-1 subong ang serye pabor sa Celtics.
Posible nga diri na tapuson sang Celtics ang best-of-seven series kag makuha na ang ila ika-18 nga franchise championship nga labaw na sang isa sa Lakers nga may yara subong sang 17 ka kampyonato.
Apang mangin si Jaylen Brown — nga isa man sa ginalantaw nga mangin Finals MVP — ang nag-ako man nga indi mangin mahapos para sa ila nga tapuson na ang hampang bisan balik na ini sa ila home floor sa TD Garden sa Boston.
Kun matandaan, sa Game 4, ginlutos nanday Luka Doncic kag Dallas Mavericks ang team ni Jayson Tatum kag Brown paagi sa 38-point margin of victory nga amo ang ikatatlo sa pinakadaku sa NBA Finals history.
8:30 sa aga buwas, Hunyo 18 (oras sa Pilipinas), magaumpisa ang Game 5.
