ILOILO CITY-Ginpasiguro sang liderato sang kamara kay Presidente Ferdinand Marcos Jr. nga maaprubahan ang tatlo ka priority bills nga gin-identify sang Legislative Executive Development Advisory Council (Ledac)antes magtakop ang 19th Congress sa 2025.
Suno kay House Speaker Ferdinand Martin Romualdez, kalabanan sa 25 nga Ledac bills ang naaprubahan na ukon yara na sa final stages sang completion — nga indikasyon nga ginhimo nila ang ila trabaho.
Pahayag ni Romualdez,ang tatlo ka nabilin nga Ledac bills nga pending sa kamara amo ang masunod:
1.Proposed amendments to the Foreign Investors’ Long-Term Lease Act (no bill has been filed)
2.Proposed amendments to the Agrarian Reform Law (for committee deliberations)
3.Proposed amendments to the Electric Power Industry Reform Act (Epira) (under technical working group/ committee deliberations)
Suno kay Romualdez, may yara sang lima ka bills nga gindugang sa Ledac list, nga nagakahulugan nga ang Marcos administration sa subong may yara sang 64 priority legislations.
Duha sa lima ka bag-o nga bills ang wala pa naaprubahan sang kamara sa third reading — ang proposed amendments to the Foreign Investors’ Long-Term Lease Act, kag proposed amendments to the Agrarian Reform Law.
Ang tatlo naman ka hagna — ang proposed Archipelagic Sea Lanes Act, proposed reforms to the Philippine Capital Markets, kag proposed amendments to the Rice Tariffication Law — ang tanan napasar sa final reading sang kamara.
Ang nabilin nga 23 ka mga hagna nga wala pa sang final versions ang aprubado na sang House sa third reading.
