ILOILO CITY- Ginareklamo sang mga pumuluyo sang Brgy. Dulonan,Arevalo, Iloilo City ang mga delayed nga proyekto kag wala masugudan nga pagpasemento sang barangay road.
Sa interview sang Bombo Radyo kay Punong Barangay Rodolfo Villegas, iya ginpahayag nga nalakip ang ginatukod nga multi-purpose building sa ila barangay sa ginpauntat ni Mayor Jerry Treñas bangud delayed ang dalagan sang proyekto sa idalom sang Iloilo City District Engineering Office.
Suno kay Villegas, isa man sa ila problema amo ang wala gihapon masemento nga barangay road nga masami nga ginabaha ilabi na subong nga tig-ululan na kag perswisyo ini sa mga pumuluyo.
Pahayag ni Villegas, sa subong, nagahulat sa gihapon sila nga matalapungdan ang ila sentiment kag matigayon na nga matapos ang nasambit nga proyekto agud nga ila na ini nga magamit.
