Ginkumpirma ni Kris Aquino nga may bag-o siya nga boyfriend!
Suno sa 53-anyos nga anay host-actress, isa ka doctor ang iya bag-o nga ka-relasyon kag naka-base ini sa Makati City.
Ginpahayag ni Kris nga daku nga bulig para sa iya ang iya bag-o nga relasyon bangud nahangpan sang iya partner ang iya health condition.
“He’s a doctor, and I think that’s part of the reason why it was easy. Kasi alam niya kung anong pinagdadaanan ko. He’s part of the reason why I’m confident na pwede akong umuwi kasi alam ko there’s someone who will help in taking care of me,” pahayag sini sa vlog ni Ogie Diaz.
Nagalaum man ini nga makapauli sa Pilipinas sa katapusan nga quarter subong nga tuig kun mangin maayo ang resulta sang iya treatments sa luwas sang pungsod.
Nag-ako man si Kris nga nagbulagay sila ni Batangas Vice Governor Mark Leviste bangud wala ini nagustuhan sang iya 17-anyos nga anak nga si Bimby.
“Hindi sila nagkasundo nung ex [Mark and Bimby]. Hindi niya gusto eh. [Bimby’s opinion] matters to me because he knows me best. Siya at si kuya [Josh], ‘yung opinion nila really matters,” pahayag pa ni Kris.
Gindugang man sini nga may mga nahibal-an siya nga wala niya nagustuhan rason nga nagbugnaw ang relasyon sini kay Mark halin sang Nobyembre tubtub nga dalayon na ang separasyon.
“Ayaw ko na magsabi pa ng more than that because part of the reason why it did not work out is I’m at the stage in my life na mas gusto ko nang tahimik,” dugang sini.
2022 sang nagbiya si Kris sa Pilipinas agud magpabulong sa Estados Unidos sang Amerika bangud sang iya autoimmune conditions.
Matandaan nga sang Mayo, ginkumpirma sang former “Queen of All Media” sa iya suod nga abyan kag entertainment journalist nga si Dindo Balares nga magluwas sa iya lima ka autoimmune diseases, may problema man sa iya nga korason.
