ILOILO CITY-Ginmando na sang Department of Health Region 6 sa tagsa ka Local Health Support Division nga pasangkaron ang health promotion campaign batok sa dengue.
Sa interview sang Bombo Radyo kay Dr. Adriano Subaan, director sang Department of Health Region 6, iya ginpahayag nga importante ang hugot nga monitoring sa mga kaso agud nga matatapan gilayon samtang diutay pa lang ang narekord nga kaso.
Suno kay Subaan, importante man sa gihapon nga gina-practice ang 4S nga amo ang search and destroy, self-protection measures, seek early consultation, kag support fogging and spraying.
Samtang, ginpahayag man sini nga may yara sang fast lane sa mga ospital para sa mga dengue patients agud nga mahatagan sila sang nagakaigo nga atensyon medikal.
