Nagnubo ang presyo sang bugas sa ulihi nga semana sang Hunyo.
Suno sa Philippine Statistics Authority (PSA), ang average nga presyo sang isa ka kilo sang staple regular milled rice ang nagnubo sang P51.14 halin sa P51.26 kag P51.33 sang ulihi nga semana sang Mayo kag sa una nga bahin sang Hunyo.
Nauna na nga ginpirmahan ni Presidente Ferdinand Marcos Jr. ang executive order (EO) nga magabag-o sa import duty rates sang nagkalain-lain nga commodities, lakip na ang bugas agud mapunggan ang inflationary pressure kag protektahan ang purchasing power sang mga Pilipino.
Sa idalom sang executive order, buhinan ang rice levy gikan sa 35 porsiyento tubtob 15 porsiyento.
Una na nga ginpahayag ni National Economic and Development Authority Secretary Arsenio Balisacan nga ang epekto sang pagnubo sang taripa sa presyo sang bugas ang mahimo mabatyagan subong nga Hulyo ukon sa Agosto bangud nagataas sa gihapon ang presyo sini.
Ginpahayag man ni Balisacan nga katuyuan sang gobyerno nga buhinan ang presyo sang isa ka kilo sang bugas sa P29 para sa mga pigado, kadungan sang paghatag sang cash assistance.
