Balik sa presuhan ang isa ka gina-alegar nga durugista matapos nga nakuhaan sang 30 ka plastic sachets sang ginapatihan shabu sa drug buy bust operation sa Barangay Rizal Ibarra, Iloilo City Proper.
Ang arestado amo si John Gustilo, 29, kag una na nga nadakpan sa amo man nga operasyon sang nagligad nga 2014.
Isa ka sachet ang nabakal sang pulis sa subject kabaylo sang P5,000 kag nakuha pa sa iya nga possession ang dugang nga 12 gramos nga kabug-aton sang shabu nga may standard drug price nga P81,600.
Sa interview sang Bombo Radyo kay Police Captain Roque Gimeno III, hepe sang Iloilo City Police Station 1, iya ginpahayag nga madamo gid nga sachets ang nakumpiskar sa suspek bangud nga ginpangtadtad na niya ini daan agud mahapos kag madahog kun ibaligya.
Ginpahayag man nga ang ginabaligyaan sini sang droga amo ang Rizal Ibarra kag ang kaiping nga mga barangay.
Sa kabilugan suno kay Gimeno, 10 ka tuig nga napreso si Gustilo sa mga kaso may kaangot sa illegal nga droga, theft, kag roberry.
Natalana ini nga pasakaan sang kaso nga paglapas sa Republic Act 9165 ukon sa Comprehensive Dangerous Drugs Act of 2002.
