ILOILO CITY –Naguba ang indi magnubo sa lima ka mga balay matapos ginhampak sang mabaskog nga balod sa Zone 5 Barangay Boulevard, Molo, Iloilo City.
Sa interview sang Bombo Radyo kay Punong Barangay Jing Villanueva, iya ginpahayag nga sa tion nga may yara sang Southwest Monsoon ukon Habagat, tuman ka taas ang balod sa ila baybay.
Suno kay Villanueva, halos duha ka metros ang kataason sang balod nga nagahampak sa mga pamalay.
Sa subong, ginpang-evacuate naman ang mga pamilya nga nagub-an sang pamalay sa ila barangay hall.
Nagpanawagan naman ang opisyal nga naga-istar sa tupad sang baybay nga mag-evacuate na samtang temprano pa agud indi mabutang sa delikado ang kabuhi.
