Ginpasalamatan si Vice President Kamala Harris si President Joe Biden kasunod sang pag-endorso sa iya nga mangin nominee sang Democrats para sa 2024 presidential elections.
Pahayag sang 59-anyos nga bise-presidente, isa ka dungog para sa iya ang amo nga endorsement kag intensyon sini nga makuha gid ang nominasyon sang partido. Ginpasalig man sini nga himuon ang tanan nga maisa ang Democratic party kag lutuson si Donald Trump kag ang iya “Project 2025 agenda.”
“On behalf of the American people, I thank Joe Biden for his extraordinary leadership as president of the United States and for his decades of service to our country,” kabahin sang iya gin-release nga statement. “His remarkable legacy of accomplishment is unmatched in modern American history, surpassing the legacy of many presidents who have served two terms in office.”
Sa amo nga pahayag, ginbalikan man sini kun paano sini nakilala si Biden bilang isa ka lider, isa ka amay, kag isa ka persona.
“With this selfless and patriotic act, President Biden is doing what he has done throughout his life of service: putting the American people and our country above everything else.”
“I am honored to have the President’s endorsement and my intention is to earn and win this nomination. Over the past year, I have traveled across the country, talking with Americans about the clear choice in this momentous election. And that is what I will continue to do in the days and weeks ahead. I will do everything in my power to unite the Democratic Party—and unite our nation—to defeat Donald Trump and his extreme Project 2025 agenda.”
Apisar pa 107 ka adlaw na lang ang nabilin antes ang eleksyon, ginpasalig ni Harris nga tipunon sini ang suporta sang Democrats kag dag-on liwat ang eleksyon.
“We have 107 days until Election Day. Together, we will fight. And together, we will win.”
Pananglitan siya ang mapilian nga presidential candidate sang Democrats, si Harris ang magahimo sang maragtas bilang una nga Black woman kag una nga may South Asian descent nga mangin major-party nominee.
Anak si Harris sang immigrants — Indian ang iya iloy samtang Jamaican naman ang iya amay — apang nagdaku siya sa Oakland, California kun sa diin nagpungko siya anay bilang prosecutor sa San Francisco district attorney’s office.
WITHDRAWAL NI BIDEN
Sandig sa anunsyo sang 81-anyos nga presidente kadungan sang iya pag-withdraw sang iya kandidatura, apisar intensyon sini nga magpadalagan kuntani liwat, nagapati siya nga para sa pinakamaayo nga interes sang iya partido kag pungsod ang iya nga desisyon nga magtutok na lamang sa nabilin sini nga termino bilang president sang pungsod.
Antes ang iya desisyon, matunog na gid man ang panawagan halin sa Democrat leaders nga mag-atras na ini sa presidential campaign para sa November 2024 elections.
Kasunod man ini sa nasaksihan sang kalibutan nga pigado nga performance sini sa presidential debate batok kay anay US President Donald Trump sang nagligad nga bulan. Sa amo nga debate nga naglawig sang 90 minutos, madumduman nga nagakalipat na si Biden sa mga inughambal sini kag masami nga wala na sang isugpon sa iya statement rason nga madamo nga nagapati nga maluya na ang estado ni Biden para patiniron pa sa White House sa masunod nga apat ka tuig.#
