Sunod-sunod nga nagtanyag sang bulig ang iban nga mga pungsod kasunod sang halos pag-anaw sang mga lugar sa Pilipinas partikular sa National Capital Region bangud sa paglaslas sang Bagyo Carina.
Lakip diri ang mga embahada sang United States, Australia, China, kag Canada.
Suno kay US Ambassador MaryKay Carlson, padayon ang koordinasyon sa tunga sang embassy kag Philippine government kag nagahatag na subong sang assistance.
“My thoughts and prayers are with all friends, partners, allies affected by the flooding and other severe effects caused by (Super Typhoon) Carina. The US Embassy team is working closely with (Philippine) government agencies and is already providing assistance,” pahayag ni Carlson sa X.
Yara na sa 700 emergency shelters ang nahatag sang US government sa Maguindanao del Sur kag sa Bangsamoro region halin sang Hulyo 21 paagi sa US Agency for International Development kag International Organization for Migration (IOM) nga may koordinasyon man sa local nga otoridad.
Suno naman kay Australian Ambassador HK Yu, handa man ang Canberra nga maghatag sang assistance kun mag-request ang Pilipinas.
Sa separado nga post, nagsiling man sanday Chinese Ambassador Huang Xilian kag Canadian Ambassador David Hartman nga handa man ang ila tagsa ka pungsod nga maghatag sang bulig sa Pilipinas.
“My heart is with all our Filipino friends affected by Typhoon Carina. Our sincere sympathy goes to those who have lost their loved ones in the floods. Stand ready to provide help and get through this trying time together,” suno kay Huang.
Sanday Japanese Ambassador Kazuya Endo kag European Union Ambassador Luc Veron ang nagpadala man sang mensahe sang simpatiya sa mga apektado sang bagyo.
“Our hearts go out to everyone affected by (Super Typhoon) Carina. To the families who have lost loved ones and those enduring hardships, our thoughts are with you. Let us hold on together in these tough times and stay safe,” pahayag naman ni Endo.
Base sa latest records, yara na sa masobra 183,400 ka mga pamilya ang apektado sa pagbinaha sa Ilocos Region, Central Luzon, Calabarzon, Mimaropa, Central Visayas, Zamboanga Peninsula, Northern Mindanao, Davao, Soccsksargen, Caraga, kag sa Bangsamoro Region.
