Ginpadayaw sang Department of Energy (DOE) nga napadasig sang Marcos Jr. administration ang pagkumpleto sang transmission line projects nga maga-stabilize sang power situation sa pungsod kag magbuhin sang balayran sa kuryente.
Suno kay Energy Secretary Raphael Lotitall, ang kalawigon sang transmission lines kasunod sang pagkumpleto sini nga mga proyekto sa nagligad nga duha ka tuig ang nagsaka sang 10 porsyento.
Pahayag sang tiglikom, ang 10 percent increase sa kalawigon sang transmission lines sa tunga-tunga sang 2022-2024 ang mas mataas sa otso porsyento nga saka sang 2009-2012 ukon sang nagligad nga 13 ka tuig.
Matandaan nga sa State of the Nation Address (SONA) sang presidente, ginpabugal man sini ang interconnectivity sang tatlo ka major island grids nga ginapanan-aw pa lamang sang Pilipinas 40-anyos na ang nagligad.
Para naman sa Energy Regulatory Commission, ginpahayag nga ang interconnectivity sang grids ang maga-promote sang competition sa market nga amo ang magapanubo sang power rates.
Ginpahayag sang ahensya nga kun magpabilin nga mataas ang balayran sa kuryente bisan nga stable man ang suplay sa mercado, iga-monitor sang ERC ang competition behavior sang industry players kag magapatuman sang penalties sa naga-engage sa anti-competitive practices.
