ILOILO CITY – Nangin mother and daughter bonding sang award winning Ilongga writer kag sang iya anak nga nabase na sa Oman ang paghimo sang libro.
Sa interview sang Bombo Radyo kay Shirley Siaton Parabia, sang Villa, Iloilo City, iya ginpahayag nga ginsulat nila sang iya anak nga si Arya ang libro nga ‘Angel’ kag ‘A Girl and Her Monster’.
Suno kay Parabia, ang duha ka mga ulihi nga nobela nga ila ginsulat ang ginhalad niya sa iya mga ginikanan nga sanday former Department of Labor and Employment (DOLE) Region 7 Director Mimi Siaton kag sa nagtaliwan sini nga amay.
Ginpahayag sini nga Parabia nga sa subong, may masobra 70 na ini ka mga nabalhag nga mga libro.
Kalabanan sa mga genre sang iya nobela ang naga-unod sang fiction, poetry, romance, suspense, action kag contemporary.
Sa ila nga pagpauli sa Iloilo, nagdonar si Parabia sang mga libro sa Iloilo Provincial Library and Archives.
Nahibaluan nga si Parabia ang recipient sang Stevan Javellana Foundation samtang ang iya naman anak ang recipient naman sang Council of British International Schools kag British School Muscat.
