ILOILO CITY – Liwat nga nagpanawagan sa sa Marcos administration ang mga transport groups sa Western Visayas kaangot sa pagpa-untat sang Public Transport Modernization Program.
Sa interview sang Bombo Radyo Iloilo kay Winifredo Doblezo Jr., Assistant Secretary sang Western Visayas Alliance of Transport Cooperatives and Corporations, Incorporated, iya ginpahayag nga wala naplanuhan sang maayo ang modernization plan kag nangin dako ini nga palas-anon sa mga driver kag operators.
Suno kay Doblezo, indi pa handa ang Land Transportation Franchising and Regulatory Board sa Modernization Program gani ginapanawagan niya kay Pres. Ferdinand Marcos Jr. nga tun-an sang maayo ang pagpatuman sini bangud madamo ang maapektuhan ang palangabuhian.
Magluwas diri suno sa natungdan, may yara man sang kurapsyon nga nagakatabo sa mga ahensya sang gobyerno nga sa likod sa sini nga programa kag mangin sa mga kooperatiba nga dapat tapnaon.
