ILOILO CITY-Nakatilaw ka na bala sang karne nga gin-preserve anay sang 15 ka tuig antes makaon?
Didto sa may Polmard, isa ka gamay nga farm sa Saint Mihiel, France, naga-produce sila sang ginakabig nga world’s most exclusive meat gamit ang proseso nga ginatawag nga hibernation.
Buot silingon,ang karne ang taguon sa sulod sang 15 ka tuig nga wala nagakabuhinan ang kalidad sini.
Suno kay Alexandre Polmard,isa ka sixth-generation farmer, breeder, kag butcher,ang ila pamilya naga-produce sang amo nga karne humalin sang 1846.
Apang mas nakilala ang ila Negosyo sang 1990s, matapos ang iya lolo kag amay ang nag-imbento sang bag-o kag revolutionary meat treatment nga ila gintawag nga ‘hibernation’.
Ang proseso nagalakip sang pagbutang sang karne sa -43 Celsius suludlan sa ila state-of-the-art laboratory kag ibilin ina sang masobra isa ka dekada nga indi maapektuhan ang ila kalidad.
Ang presyo naman sang isa ka kilo sang 15-year-old hibernated rib steak ang yara sa $3,200 ukon kapin P184,000.
