UNITED KINGDOM – Nagpatigayon sang hublag protesta ang linibo ka mga anti-racism protesters sa United Kingdom.
Suno kay Steven Mark Espinosa, international correspondent sa United Kingdom, iya ginpahayag nga ang nasambit nga hublag protesta ang nag-ugat matapos ginpatay ang tatlo ka mga menor de edad nga mga kabataan sa banwa sang Southport, sa north England.
Ang mga biktima amo sanday Bebe King, 6, Elsie Dot Stancombe, 7, kag Alice da Silva Aguiar, 9, nga ginpangbuno-patay samtang yara sa Taylor Swift-themed dance kag yoga event.
Magluwas diri, walo pa ka mga kabatan kag duha ka mga tigulang ang pilason.
Kasunod sang insidente, naglapta naman ang nga sala nga post sa social media sa diin ginapahayag nga ang 18 anyos nga suspek nga si Axel Muganwa Rudakubana, ang isa ka asylum seeker nga nag-abot sa United Kingdom sang 2023 kag ginadudahan nga isa ka Muslim.
Sa ulihi, natukiban nga ginbun-ag ini sa Cardiff sa diin ang mga ginikanan sini ang Rwandan.
Ginkasuhan naman ini sang murder kag attempted murder.
Ginpahayag ni Espinosa nga naaresto ang 779 ka mga indibidwal bangud sa pagpatigayon sang riot sa diin 349 diri ang ginpasakaan na sang kaso.
Samtang, ginpakamaayo naman ni United Kingdom Prime Minister Sir Keir Starmer nga ipaiway anay ang ila summer holiday sang iya pamilya agud matutukan sini ang pagpa-untat sang riot.
