GUIMBAL, ILOILO – Nagapadayon pa ang imbestigasyon sang mga otoridad sa nagluntad nga sunog sa Brgy. Sta. Rosa-Laguna, Guimbal, Iloilo.
Sa interview sang Bombo Radyo kay Cesar Estabalaya, principal sang Cabasi-Sta. Rosa Integrated School, iya ginpahayag nga lima ka mga classrooms ang nasunog.
Sa nasambit nga numero, apat ang totally burned kag isa naman ang partially burned.
Suno kay Establaya, human sa concrete kag steel ang nasambit nga mga classrooms.
Naubos naman sunog ang tanan nga mga equipment, libro kag mga kagamitan sa classrooms.
Ginpahayag sini nga mismo ang maestro sa nasambit nga eskwelahan ang nakakita sang pag-umpisa sang sunog sa diin gilayon man nga gintawgan ang Bureau of Fire Protection.
Wala naman sang nasamaran sa nasambit nga insidente.
