ILOILO CITY- Ginlamon sang kalayo ang tatlo ka mga balay sa isa ka compound sa Brgy. Mansaya, Lapuz, Iloilo City.
Sa interview sang Bombo Radyo kay Mansaya Punong Barangay James Conlu, iya ginpahayag nga base sa inisyal nga impormasyon, may yara sang nagdabok apang napabay-an nga amo ang ginhalinan sang sunog.
Suno kay Conlu, totally burned gid ang nasambit nga mga balay.
Maswerte naman nga nakuha sang mga tanod ang duha ka mga nagakatulog nga tigulang samtang amat-amat nga ginalamon sang kalayo ang ila ginaistaran.
Naglab-ot naman sa walo tanan ka pamilya ang apektado sang sunog.
Sa subong, ginahibalo pa ang matuod nga ginhalinan sang kalayo.
