ILOILO CITY – Arestado ang mag-utod nga durugista sa ginpatigayon nga drug buy bust operation sa Zone Vitarich Brgy. Monica-Blumentritt, Iloilo City Proper.
Ang mga arestado amo sanday Edwin Genon, alyas “Niger”, 46, kag Eduardo Genon, alyas “Jun-Jun”, 43, lunsay residente sang nasambit nga barangay.
Sa interview sang Bombo Radyo kay Police Captain Roque Gimeno III, hepe sang Iloilo City Police Station 1, iya ginpahayag nga lunsay tokhang surrederee ang mag-utod.
Suno kay Gimeno, nakuha sa posisyon sang mag-utod ang 8 grams sang suspected shabu balor Php54,400.
Sa subong, preso na ang mga ini sa Iloilo City Police Station 1 kag nagapangatubang sang kaso nga paglapas sa Republic Act 9165 ukon Comprehensive Dangerous Drugs Act of 2002.
