Ginahandaan na ni Pope Francis ang iya malapit duha ka semana nga pagbyahe kag pagtinir sa Southeast Asia sa masunod nga semana.
Sa Martes, Septyembre 3, magaabot ang 87-anyos nga Santo Papa sa Jakarta nga kapital sang Indonesia antes ini magkadto sa Papua New Guinea, East Timor ukon Timor Leste, kag Singapore.
Magluwas sa byahe, ginapreparahan man sini ang 16 ka mga speech nga iya i-deliver sa mga misa bilang pagpakita sang nagatubo nga Catholic community sa sini nga mga pungsod.
Sa Indonesia, natalana ini nga magpakigkita kay outgoing President Joko Widodo kag sa mga tiglawas sang dalagku nga relihiyon sa Istiqlal Mosque nga amo ang pinakadaku sa Southeast Asia kag magapirma man sa joint declaration sa grand imam nga si Nasaruddin Umar.
Ang Indonesia amo ang pinakadaku nga Muslim nation sa kalibutan apang ginakilala sini ang Protestantism, Catholicism, Buddhism, Hinduism kag Confucianism.
Ini nga byahe sa rehiyon amo ang iya-45 nga pagbisita sa abroad.
Una ini nga ginplano para sa 2020 apang wala nadayon bangud sa Covid-19 pandemic.
Sa sulod sang sini nga apat ka tuig, daku ang ginhina sa ikaayong lawas ni Pope Francis rason nga nagasakay ini sa wheelchair, nagpaidalom sa hernia surgery sang nagligad nga tuig, kag may yara man sang ginasuprer nga respiratory issues.
Ang katapusan sini nga byahe sa luwas sang pungsod ang natabo sa Marseille sa France sang September 2023.#
(Photo: REUTERS/Yara Nardi)
