Balik-presohan ang isa ka 43-anyos nga lalaki matapos nang-hostage sang isa ka 52-anyos nga babaye sa Mandaluyong City.
Bag-o lang nakagwa sa presohan ang amo nga 43-anyos nga lalaki apang ginsiling niya nga wala na siya sang maistaran gani gusto niya na lang liwat nga mapreso.
Base sa impormasyon, samtang gina-hostage sang suspek ang biktima, nangayo pa ini sang pagkaon kag ginsiling nga luyag niya nga magpauli sa Bulacan apang sang ulihi, ginhambal niya nga luyag na lang niya magbalik sa presohan kag didto mag-istar.
Nangin madinalag-on naman ang negosasyon kag natigayon nga mapasungka ang suspek kag narekober sa iya ang isa ka kutsilyo.
Ginahibalo pa sang otoridad ang iya matuod nga kahimtangan matapos ginsiling niya nga involved siya sa pagpatay kay anay senador Ninoy Aquino Jr.
Naggwa naman sa record nga may kaangtanan sa iligal nga druga ang iya kaso.
