Nanginwala ang quad committee sa Kamara nga si House Speaker Martin Romualdez ang tawo nga responsable kag utok sa likod sang serye sang hearings kun diin may mga pasabog batok kay former President Rodrigo Duterte, iya mga kaalyado, kag ang kontrobersyal nga war on drugs.
Ginpahayag ini ni Santa Rosa City lone district Rep. Dan Fernandez, isa sa apat ka chairpersons sa quad committee, matapos ang akusasyon ni Senator Bato dela Rosa nga nagatudlo kay Romualdez.
Suno kay Fernandez, wala nagapadikta ang apat ka mga committee kag siya mismo ang wala man nagapahanugot nga gamiton sila para sa “political agenda.”
“I think it’s unfair kay Speaker. Ako mismo, hindi ako papayag na gamitin ako para sa isang political agenda. After all, I am not running for any higher position or anything sa national. Hindi naman ito makakaapekto sa amin,” pahayag sini.
Wala man sang pagpangsuhol sa resource persons para nga masugo sila nga mangbuyagyag sang mga kontrobersiya sa hearings.
“300 plus kaming congressmen doon. They can never dictate on us, especially kung ang mga ebidensya ay lulutuin namin para lang to cater on certain personalities like the Speaker, mahirap ‘yun. What if yung kinakausap namin ay biglang magsalita sa hearing. That will put us in a precarious position. Personally, I don’t want that to happen to me. Ang resource persons, hindi mo yan makakapa. At hindi mo sila kayang diktahan… Kung babayaran mo ‘yan, what if bumaligtad yan?” dugang ni Fernandez.
Matandaan nga ginhimo ni Dela Rosa ang alegasyon batok sa speaker isa ka adlaw matapos nga nagpungko bilang resource person sa Kamara ang anay central figure sa drug war nga si Police Lt. Col. Jovie Espenido.
Ginbuyagyag sini sa quad-comm hearing nga may “kill” quota kag reward sa mga pulis sang tion nga ginpatuman ang brutal nga war on drugs sa idalom ni Duterte.
Gin-alegar man sini nga ginpondohan ang reward system paagi sa minilyon kag posible binilyon ka pesos nga pondo halin sa intelligence funds kag jueteng, small-town lotteries (STL) kag illegal Philippine Offshore Gaming Operators (POGOs).
Gin-alegar sang veteran policeman nga ang pondo ang ginpaagi sa close aide ni Duterte nga si Senator Christopher “Bong” Go — butang nga ginpanginwala naman ni Go.
