Nalangkag na ang mga Pinoy sa Indonesia agud magtambong sa misa nga pangunahan ni Pope Francis.
Isa ini sa mga aktibidad sang santo papa sa iya pagbisita sa pila ka pungsod sa Asia kag Pacific region.
Suno kay Bombo Ginavella Limpin Cumla, international correspondent sa Jakarta, hiwaton ang balaan nga misa sa Gelora Bung Karno Stadium sa alas-singko sang hapon oras sa Indonesia.
Ginkalipay ni Cumla nga mismo siya ang magatambong man sa amo nga misa.
Pahayag niya nga ginalauman nga mapuno gid ang venue nga may 78,000 nga capacity.
Magluwas sa misa, may yara man sang Interreligious meeting ang santo papa sa Istiqlal Mosque nga pinakadako sa Southeast Asia.
Pagasundan naman ini sang meeting sa mga benepisyaryo sang charitable organizations sa Indonesian Bishops’ Conference Headquarters.
