SINGAPORE – Hugot nga seguridad ng ginpatuman sa Singapore pila ka adlaw antes ang pagbisita sang Santo Papa sa Setyembre 11 tubtob 13.
Suno kay Bombo Phenny Sasa Suing, international correspondent sa Singapore, lakip sa mga apektado nga event venues nga naka-heightened security amo ang Changi International Airport, hotels kag mga dalanon nga labayan sang mga delegates.
Ang official events sang Santo Papa amo ang mga masunod:
Setyembre 11: Maabot ini sa Singapore.
Setyembre 12: Matambong ini sa welcome ceremony sa Parliament House kaupod si President Tharman Shanmugaratnam kag Prime Minister Lawrence Wong.
Matapos sini, makigkita si Pope Francis sa mga myembro sang civil society, diplomatic corps, kag iban pa sa the University Cultural Centre sa National University of Singapore sa aga.
Sa hapon naman, pangunahan sini ang misa sa National Stadium.
Setyembre 13: Mabisita ini sa mga tigulang kag mga masakiton sa St. Theresa Home kag magatambong man sa interreligious meeting kaupod ang mga youths sa Catholic Junior College.
Sa amo man nga adlaw, mabiya na ini sa Singapore.
Ipatuman naman ang traffic restrictions, lakip na ang diversions kag road closures, partikular sa mga event venues, particular sa hiwatan sang holy mass sa National Stadium.
Wala naman sang may ginpagwa ang mga otoridad nga pahamog sa kahiwatan, apang ang posibilidad sang terorismo ang wala nila ginadula bangud man sa presensya sang radical nga Islamist elements.
