ILOILO CITY- Nag-invest ang isa ka Singaporean company sang $10M ukon kapin P500M para sa solar power projects sa Pilipinas.
Suno sa Upgrade Energy Philippines (UGEP), isa ka solar developer, ang Singaporean investment company nga Clime Capital ang nagpromisa sa paghatag sang funding paagi sa South East Clean Energy Fund II.
Ang amo nga kapital ang magabulig sa pag-accelerate sang deployment sang solar energy infrastructure sa bilog nga pungsod kalakip na ang developments para sa commercial kag industrial nga mga customers.
Suno sa amo nga solar developer, ang pagdevelop sang infrastructure ang urgent nga katungdanan agud malab-ot ang target sang Department of Energy nga 35 percent renewable energy sa 2030 kag 50 percent sa 2040.
Ini suno sa iya ang rason kun ngaa kinahanglan ang accelerated funding.
Ang UGEP, nga na- establish sang 2015 bilang isa ka joint venture sa tunga sang renewable energy firm PhilCarbon Inc. kag Belgian company Upgrade Energy, ang naga-develop kag naga-maintain sang commercial kag industrial solar projects sa Pilipinas.
