Indi kuntento si Sen. Risa Hontiveros sa nangin resulta sang executive session kaangot sa operasyon sang iligal nga Philippine Offshore Gaming Operators (POGO).
Si Hontiveros nga chair sang Senate Committee on Women, Children, Family Relations and Gender Equality nga amo ang nagapamuno sa hearing.
Matandaan nga sang gin-usisa ni Senior Deputy Majority Leader JV Ejercito si dismissed Bamban, Tarlac Mayor Alice Guo ukon Guo Hua Ping kun siya ang ‘most guilty’ sa operasyon sang POGO, gin-athag sang anay alkalde nga biktima lang siya.
“Hindi pa din ako masyadong satisfied sa mga pahayag sa Executive Session, bagama’t there was one crucial personality confirmed by Guo Hua Ping. This corroborates a theory that the Committee shared a month ago.”
Nagpabutyag man ang anay alkalde sang kahandaan nga isugid ang tawo nga sa likod sang POGO sa pungsod.
Apang suno kay Hontiveros, nagakadapat man nga pangayuan man sang pahayag si anay Philippine National Police (PNP) Chief Police General Benjamin Acorda.
Ini matapos nabuyagyag sa Senate hearing nga ginbisita si Acorda sang tuod ni Mayor Alice nga si Wesley Guo.
Kaupod man sa picture ang ginapahayag nobyo ni Alice nga si Sual, Pangasinan Mayor Liseldo Calugay.
Apang depensa ni Calugay, nagpamasyar lang sila kay Acorda sa diin madugay na sila nga kilalahay.
“Namasyal po kami diyan.”
