Ginkumpirma ni Iloilo City Councilor Urminico Baronda nga magabalik sa pulitika agud magpadalagan sa pagka-konsehal ang iya anak nga si Love Baronda sa palaabuton nga 2025 midterm elections.
Sa interview sang Bombo Radyo kay Councilor Baronda, iya ginpahayag nga siya ang mapaiway para sa iya anak.
Suno sa iya, indi manami nga madamo sang Baronda sa pulitika sa syudad.
Matandaan nga ulihi nga nangin kabahin sang city government si Love Baronda sang nangin executive assistant ini ni Treñas apang ginkakas ini sang nabungkag ang alyansa sang iya magulang nga si Rep. Julienne Baronda kag ni Mayor Treñas.
Antes nangin executive assistant, nangalagad naman sadto si Love Baronda bilang konsehal.
