UNITED KINGDOM – Isa ka Ilonggo ang napilian nga magtiglawas sang Pilipinas sa Best Diplomats nga ginapatigayon subong sa London, United Kingdom.
Sa interview sang Bombo Radyo kay Jan Dominic Araneta Barredo, sang North Fundidor, Molo, Iloilo City kag Philippine Delegate to Best Diplomats United Nations sa London, United Kingdom, iya ginpahayag nga ang Best Diplomats, ang isa ka New York-based organization nga nagatutok sa pagpatigayon sang Diplomatic Simulations sang prestigious international bodies kaangay sang United Nations, European Union, African Union, kag madamo pa.
Suno kay Barredo, mayor nga ginatutukan sang Best Diplomats amo ang paghanas sang individuals, teams, kag organizations aud mangin world-class diplomats, expert negotiators, kag visionary leaders.
Diri kag gina-utilize ang ini nga simulations bilang isa ka powerful platform para sa mga young leaders kag change-makers agud magpakigbahin sa constructive dialogue kag masolusyunan ang ginakabig nga pinakadako nga issue sa kalibutan.
Nagapatigayon man ini sang collaboration sa mga governments, educational institutions, kag leading companies agud madula ang antad sa tunga sang academic knowledge kag real-world application.
Nahibaluan nga ini na ang ikatatlo nga tion nga nagtilawas si Barredo sang pungsod sa Best Diplomats sa diin una ini nga nagtambong sang 2019 sa Malaysia kag 2022 sa Dubai.
